Баянхонгор аймгийн Зэвсэгт хүчний 339-р ангийн алба хаагч Улаанбаатар хотоос приус маркийн автомашин худалдан авч, 2026 оны наймдугаар сарын 9-нд Баянхонгор руу зорчигчид суулган хөдөлжээ. Автомашин жолоочоос гадна таван зорчигчтой явсан байна.

Тэдгээр зорчигчийн гурав нь 339-р ангид ажилладаг хүн, нэг нь жирэмсэн эмэгтэй, мөн зургаан настай хүү байжээ. Улаанбаатар хотоос Баянхонгор хүртэлх 600 км замын талаас илүүг туулсны дараа жолооч нойр хүрсэн шалтгаанаар жолоог 35 настай эрэгтэйд шилжүүлсэн байна.

Автомашин 2026 оны наймдугаар сарын 10-ны өглөөний 05.00 цагийн орчимд Баянхонгор аймгийн Өлзийт сумын нутаг дахь Эрдэнэхөндий гэх газарт үерийн усны эргүүлэгт оржээ.

Ослын улмаас жолоо барьж явсан 35 настай эрэгтэй, жирэмсэн эмэгтэй болон зургаан настай хүү амиа алдсан байна. Энд хоёр том хүн, нэг хүүхэд нас баржээ.

Онцгой байдлын алба хаагчид ослын газарт очиход автомашин үерийн ус зайлуулах хоолойд чихэгдсэн байдалтай, ойролцоо нь хоёр хүн зогсож байжээ. Машинд зорчиж явсан хүмүүсийн зарим нь усны захад бууж үлдсэн шалтгаан тодорхойгүй байна.